January 3, 2022 Daily Gospel Reading Cebuano Version

January 3, 2022 Daily Gospel Reading Cebuano Version Juan 1: 29-34 Sa pagkasunod adlaw, nakita ni Juan si Jesus nga nagpadulong kaniya ug siya miingon, “Anaa ang nating Karnero sa Dios nga nagwagtang sa sala sa kalibotan! Siya ang akong gipasabot sa pag- ingon ko, ‘May tawo nga moabot sunod kanako apan labaw siya kanako kay diha na man siya sa wala pa ako matawo.’Kaniadto wala ako makaila kon kinsa siya apan mianhi ako nga nagbunyag pinaagi sa tubig aron ipaila siya ngadto sa Israel.” Kini ang pamatuod ni Juan: “Wala ako makaila kon kinsa siya apan ang Dios nga nagsugo kanako aron pagbunyag pinaagi sa tubig, miingon kanako, ‘Makita mo ang Espiritu nga mokunsad ug magpabilin diha sa usa ka tawo. Siya mao ang magbunyag pinaagi sa Espiritu Santo.’ Unya nakita ko ang Espiritu nga mikunsad gikan sa langit sama sa pagtugdon sa usa ka salampati ug mipabilin kini kaniya. Nakita ko kini ug sultihan ko kamo nga siya mao ang Anak sa Dios.”