Psalm 16: Ginoo, tudloan mo kami... (3rd Sunday of Easter Cycle A) -FR JAG

Responsorial Psalm: 3rd Sunday of Easter Cycle A Psalm 16: 1-2, 5, 7-8, 9-10, 11 "Ginoo, tudloan mo kami, sa dalan sa kinabuhi." Response: F -C/D -Dm -Am -Gm -C -F Verse: F -Gm -Bb -Dm -Bb -Gm - C Response: "Ginoo, tudloan mo kami, sa dalan sa kinabuhi." Bantayi ako O Dios kay nagadangop ako kanimo; nagaingon ako sa Ginoo ikaw ang akong Ginoo. O Ginoo, ikaw ang akong bahin ug ang akong kopa ikaw ang nagalig-on sa akong swerte. (R) Response: "Ginoo, tudloan mo kami, sa dalan sa kinabuhi." Daygon ko ang Ginoo nga nagatambag kanako; bisan sa kagabhion, nagapahimangno kanako ang akong kasingkasing. Gibutang ko kanunay ang Ginoo sa akong atubangan; Kon anaa siya sa akong tuong kamot, wala akoy kabalak-an. (R) Busa ang akong kasingkasing nalipay, ug ang akong kalag nagsadya; ang ako usab nga lawas nagapabilin diha sa pagsalig. Kay dili nimo biyaan ang akong kalag didto sa kahiladman; Ni itugot nga ang imong buotang alagad, modangat sa pagkadunot. (R) Response: "Ginoo, tudloan mo kami, sa dalan sa kinabuhi." Tudloan mo ako sa dalan sa kinabuhi; ang bug-os nga kalipay diha sa imong atubangan. Ang mga kalipayan diha sa imong tuong kamot; hangtud sa kahangturan. (R) Response: "Ginoo, tudloan mo kami, sa dalan sa kinabuhi."