Monday 8 July 2019 | Daily Mass Bible Readings in Konkani | Genesis 28:10-22 | Matthew 9:18-26

Daily Mass Bible Readings In Konkani | first reading Genesis 28:10-22 | Gospel of Matthew 9:18-26 ಸಾಂ.ಮಾತೆವಾ ಪರ್ಮಾಣೆಂ ಜೆಜು ಕ್ರೀಸ್ತಾಚಿ ಶುಭ್ ವಾರ್ತಾ 9: 18-26 ಜೆಜು ಅಧಿಕಾರ‍್ಯಾಚೇ ಧುವೆಕ್ ಜೀವ್ ಕರ್ತಾ ಆನಿ ರಗ್ತಾಸ್ರಾವಾಚೇ ಸ್ತ್ರೀಯೆಕ್ ಬರಿ ಕರ್ತಾ ಅಶೆಂ ಜೆಜು ತಾಂಚೇಲಾಗಿಂ ಉಲೊವ್ನ್ ಆಸ್ತಾಂ, ಸಿನಾಗೊಗಾಚೊ ಎಕ್ ಅಧಿಕಾರಿ ತಾಚೇ ಸರ್ಶಿನ್ ಆಯ್ಲೊ ಆನಿ ತಾಚ್ಯಾ ಪಾಂಯಾಂ ಪಡುನ್ ಮ್ಹಣಾಲೊ: “ಸಾಯ್ಬಾ, ಮ್ಹಜೇ ಧುವೆನ್ ಆತ್ತಾಂಚ್ ಪ್ರಾಣ್ ಕೆಲೊ; ತುಂ ಯೆ ಆನಿ ತಿಚೆರ್ ತುಜೊ ಹಾತ್ ದವರ್ ಆನಿ ತಿ ಜೀವ್ ಜಾತಲಿ.”  ಜೆಜು ಉಠ್ಲೊ ಆನಿ ಆಪ್ಲ್ಯಾ ಶಿಸಾಂಕ್ ಘೆವ್ನ್ ತಾಚ್ಯಾ ಪಾಟ್ಲ್ಯಾನ್ ಗೆಲೊ. ತೊ ವೆತಾನಾ ಬಾರಾ ವರ್ಸಾಂ ಥಾವ್ನ್ ರಗ್ತಾಸ್ರಾವಾಚೇ ಪಿಡೆನ್ ಕಷ್ಟೊನ್ ಆಸ್‍ಲ್ಲಿ ಏಕ್ ಸ್ತ್ರೀ ತಾಚ್ಯಾ ಪಾಟ್ಲ್ಯಾನ್ ಲಾಗಿಂ ಸರ್ಲಿ ಆನಿ ತಾಚ್ಯಾ ಆಂಗ್‍ವಸ್ತ್ರಾಚೆಂ ಪೊಂತ್ ತಿಣೆಂ ಆಪಡ್ಲೆಂ. “ಫಕತ್ ತಾಚೆಂ ಆಂಗ್ ವಸ್ತುರ್ ಹಾಂವ್ ಆಪ್ಡಿನ್ ಜಾಲ್ಯಾರ್ ಹಾಂವ್ ಬರಿಂ ಜಾತಲಿಂ” ಮ್ಹಣೊನ್ ತಿಣೆಂ ಆಪ್ಣಾ ಇತ್ಲ್ಯಾಕ್ ಚಿಂತ್ಲೆಂ. ಜೆಜು ಪಾಟಿಂ ಘುಂವ್ಲೊ ಆನಿ ತಿಕಾ ಪಳೆವ್ನ್ ಮ್ಹಣಾಲೊ: “ಧೈರ್ ಘೆ, ಧುವೇ! ತುಜ್ಯಾ ಭಾವಾರ್ಥಾನ್ ತುಕಾ ಬರಿ ಕೆಲಿ.” ಆನಿ ತೇಚ್ ಘಡಿಯೇ ತಿ ಸ್ತ್ರೀ ಬರಿ ಜಾಲಿ. ಜೆಜು ಶೆಕಿಂ ಅಧಿಕಾರ‍್ಯಾಚ್ಯಾ ಘರಾ ಯೇವ್ನ್ ಪಾವ್ಲೊ. ಥಂಯ್ ಆಸ್‍ಲ್ಲ್ಯಾ ಪಿರ್ಲುಕ್ ವಾಜ್ಪ್ಯಾಂಕ್ ಆನಿ ಘಡ್ಬಡ್ ಕರ್ನ್ ಆಸ್‍ಲ್ಲ್ಯಾ ಜಮ್ಯಾಕ್ ಪಳೆವ್ನ್ ತೊ ಮ್ಹಣಾಲೊ: “ತುಮಿ ಸಕ್ಕಡ್ ಭಾಯ್ರ್ ವಚಾ. ಚಲಿ ಮರೊಂಕ್ ನಾ;  ತಿ ನಿದ್ಲ್ಯಾ.” ತವಳ್ ತೆ ಸಕ್ಕಡ್ ತಾಕಾ ಹಾಸಲಾಗ್ಲೆ. ಲೊಕಾ ಜಮ್ಯಾಕ್ ಭಾಯ್ರ್ ಕರ್ತಚ್ ಜೆಜು ಭಿತರ್ ಗೆಲೊ. ಚಲಿಯೆಚೊ ತಾಣೆಂ ಹಾತ್ ಧರ್ಲೊ ಆನಿ ತಿ ಚಲಿ ಉಠ್ಲಿ. ಹೇ ಸಂಗ್ತಿಚಿ ಖಬರ್ ತ್ಯಾ ಗಾಂವಾಂತ್ ಸಗ್ಳ್ಯಾನ್ ವಿಸ್ತಾರ್ಲಿ. ದೆವಾಚೆಂ  ಉತಾರ್ ಹೆಂ.