နေ့စဉ်ခွန်အား ၂၀၂၅ ခုနှစ်၊ မတ်လ ၂၂ ရက်

သမ္မာကျမ်းစာ၏ မြတ်နိုးဖွယ်ရာစကားများ https://myanmar-odb.org/2025/03/22/th...   / myanmar.odb     / ourdailybreadmyanmar   ယနေ့ဖတ်ရန်ကျမ်းချက် - ရှင်ယောဟန်ခရစ်ဝင် ၆:၆၀-၆၉ https://odb-ministries.org/bible/mm/r... ထင်ဟပ်ဖော်ပြချက် သမ္မာကျမ်းစာ၏ မြတ်နိုးဖွယ်ရာစကားများ ရှင်ယောဟန်ခရစ်ဝင် ၆ တွင် သူ၏တပည့်တော်တို့အား “ငါအမှန်အကန်ဆိုသည်ကား လူသား၏ အသားကို မစား၊ အသွေးကို မသောက်လျှင် သင်တို့၌ အသက်မရှိ”(၅၃)ဟု သခင်ယေရှု၏သွန်သင်ချက်ကို ၎င်းတို့အနေဖြင့် နားလည်ရန်ခက်ခဲခဲ့၍(၆၀)၊ ၎င်းတို့၏”ကဲ့ရဲ့အပြစ်တင်”စကားကို သခင်က ”ငါ၏ခမည်းတော်သည် အခွင့်ပေး တော်မမူလျှင် အဘယ်သူမျှ ငါ့ထံသို့မလာနိုင်”ဟု တုံ့ပြန်ဖြေကြားပြီးသည့်နောက်တွင် “ထိုအခါမှစ၍ တပည့်တော်အများတို့သည် ကိုယ်တော်နှင့်မပေါင်းဘော်ဘဲ ဆုတ်သွားကြ၏”(၆၆)။ သို့သော် ထိုသတင်းစကားကို နားလည်ရန်ခက်ခဲခြင်းထက် သခင်ယေရှု၏စကားများသည် “အသက်”ဆိုသည့် စကားလုံး၌ ပါရှိသည့်ခေါင်းစဥ်ဖြစ်သည့် ထမြောက်ခြင်းနှင့် ဆိုင်သည့်မျှော်လင့်ခြင်းဖြင့် ပြည့်နေသည်။ ဤကျမ်းပိုဒ်တွင် “လောကီသားတို့၏အသက်အဖို့အလိုငှာ”(၅၁) သူ့ကိုယ်ခန္ဓာကို ပူဇော်ခြင်းဖြစ်သည့် ခရစ်တော်၏အသေခံခြင်းကို သရုပ်ဖော်ပေသည်။ အပြစ်အတွက် ပူဇော်သည့်ဤယဇ်ကို ယုံကြည်ခြင်းဖြင့် လက်ခံသူ မည်သူမဆိုသည် ဘုရားသခင်၏ကရုဏာ ကျေးဇူးကို ခံရပြီး၊ ထာဝရအသက်ကို ရ၏။ ထိုသူကို နောက်ဆုံးသောနေ့၌ သခင် ထမြောက်စေမည်ဖြစ်သည်(54)။ ရှင်ပေတရုက ၎င်းကို တစ်စိတ်တစ်ဒေသ နားလည်ခဲ့ပုံရသည်။ သူက “ထာဝရအသက်နှင့်ယှဥ်သောစကားသည် ကိုယ်တော်၌ တည်ပါ၏”(၆၈)ဟု ဝန်ခံ ပြောဆိုခဲ့သည်။ စာရေးသူ - မိုနီကာလာရို့စ်