Daily Gospel Tagalog l Daily Mass Readings l December 09, 2023 I Ang Mabuting Balita ng Panginoon

Ang Mabuting Balita ng Panginoon December 09, 2023 Sabado ng Unang Linggo sa Panahon ng Pagdating ng Panginoon, Paggunita kay San Juan Diego MABUTING BALITA Mateo 9, 35 – 10, 1. 6-8 Ang Mabuting Balita ng Panginoon ayon kay San Mateo Noong panahong iyon, nilibot ni Hesus ang mga bayan at nayon at nagturo sa mga sinagoga. Ipinangaral niya ang Mabuting Balita tungkol sa paghahari ng Diyos, at pinagaling ang mga may sakit, anuman ang kanilang karamdaman. Nang makita niya ang napakaraming tao, nahabag siya sa kanila sapagkat sila’y lito at lupaypay, parang mga tupang walang pastol. Kaya’t sinabi niya sa kanyang mga alagad, “Sagana ang anihin, ngunit kakaunti ang mag-aani. Idalangin ninyo sa may-ari ng anihin na magpadala siya ng mga manggagawa sa kanyang anihin.” Tinipon ni Hesus ang labindalawang alagad at binigyan ng kapangyarihang magpalayas ng masasamang espiritu at magpagaling ng mga may karamdaman. Sila’y pinagbilinan ni Hesus: “Hanapin ninyo ang mga nawawalang tupa ng sambahayan ng Israel. Humayo kayo at ipangaral ninyo na malapit nang maghari ang Diyos. Pagalingin ninyo ang mga maysakit at buhayin ang mga patay. Pagalingin ninyo ang mga ketongin at palayasin ang mga demonyo. Yamang tumanggap kayo nang walang bayad, magbigay naman kayo nang walang bayad.” Daily Mass Readings Unang Pagbasa Pagbasa mula sa aklat ni propeta Isaias Isaias 30, 19-21. 23-26 Salmong Tugunan Salmo 146, 1-2. 3-4. 5-6 Aleluya Isaias 33, 22 #pagkaingespirituwal #mabutingbalita #gospeltagalog #angmabutingbalitangpanginoon #massreadingtagalog